In Nizjninowgorod

Refrein
In Nizjninowgorod. in Nizjninowgorod
dao doon ze wodka. wodka, wodka in de kôffiepot.
In Nizjninowgorod. in Nizjninowgorod
dao guëf ’t wodka. wodka. wodka want de pômp die is kepot.

D’n troika van Pjotr dae reej door bös en veld
’t waer woord alsmaar rotter, hae barsde van de keld.
Waat waas d’r aan ’t hendje, hae reisde nao de stad
umdet hae in zien krentje waat gelaeze had.
Zoë trok dao dan Pjotr, die beste brave bors
hae rende alsmaar vlotter, hae stikde van d’n dors.
Toen kwaam hae aan de Wolga wao hae ein kroegje zoog
en dao aan moder Olga ein kan kôffie vroog.

Zoë zoot d’r dan Pjotr, `t ging um biëstig good
hae drônk maar kôffie tot d’r gennen dröppel mier in zoot.
’t Zal waal zien gen wonder, det dae zoë lollig woord
en miër dan hônderddoezend balalaika’s hoord.
D’n troika van Pjotr reej truuk in duusternis
op ens reep hae waal snotver, as ik de waeg ens wis’.
Wao Pjotr bleef wit nemus, maar wie gefluusterd wuurd
haet in de nach dao emus ziene geis gehuurd.