Op de zölder beej os thoes
zoot em hiele dieke moes
en die moes die zool dao good
achter einen alden hood.
Maar weej hadde ouk ein kat
`muuske’ zag die, `witste wat
weej zien heej toch kind in hoes
kom weej speule kat en moes’.
`Kôm maar’ reep die moes hiel stôm
en die kat die reep `ik kôm’
kwaam vanoet de kas vandaan
zag toen `akkie dich bis d’raan’.
`Piep’ zag toen die moes dreej kiër
`des gemein ik doot neet miër’
oet die valse kattesnoet
stook `t moezestertje d’roet.
Huur nôw minse allemaol
de moraal van dit verhaol
luuster neel nao fien gesmoes
speul noëts same kat en moes.