Kinder, Kinder

Kinder, kinder, kan det neet minder
môt det dan zoë maar vaerder gaon;
minse, minse, met al ôs winse
is `t waal vruger of later gedaon.
Ein kind wit det weetje, dan stump det neet miër
en `t ind van `t leedje det kump eine kiër.
Kinder, kinder, schöd nog ens in,
want daorum te zumpe det haet genne zin.

Whisky en sherry en port en cognac,
cola en tonic en beer met d’n bak,
neutjes en zoutjes en kiës beej de wien,
dipsaus en chips môt d’r allemaol zien.

Dao gaon twieë getrouwde gewoën oeterein,
dao hokke d’r twieë ongetrouwde beejein,
dao blief ennen blaag beej zien elders neet thoës,
en allemaol schriëve ze ‘ik môt ein hoës!

Ein druëgtrômmel, aafwas en wasautomaat,
ein hoëgtezôn, stereo, striekapparaat,
en keulkas en diepvries en keukemesjien,
en nog ennen auto, môt d’r allamaol zien.