Ik weit nog wie ik klein waas
en ging slaope in de weeg
Don sloot Mam de gerdiene
want ut waas nog vuuls te leeg
verzichtig trok ze aan ut tuijke
van det biësje det dao hông
dan hoort ik weer det leedje
det ôs Mom auk dökker zông
Ze zoot mich nog een kruutske
met d’n doem op miene kop
en smiespelde allein veur mich
ein scheetgebedje op
Pap en Mam ik wil ôg now bedanke
Veur al det knoevele det geej mich heb gedaon
Ik zal ôch drek ein lekker kusje gaeve
maar dan môt ik op de keukestool gaan staan
Ik pak ôch dan hiel stevig vas zoelang ik kan
Geej ziet veur mich de allerleefste Pap en Mam
Auk lierde ik ut laûpe
beej eur same aan de hand
Weej fietste nao de bös
en speulde oore in ut zand
Weej knoddelde met water
naeve ein of ander baek
en deee schuumke trekke
an ôs fleske sôkkerpaek
Dan ginge weej nao hoës
En ik woort dierek in bad gedauwd
Wat hebbe zeej toch allebei
met mich vuul aafgesjauwd