Vers:
De maon verdwient, de zón verschient
dauw verraojt det d,n daag begint
Wat gister waas leet deep verborge
Weit now det leefde vervlege kin
D’r besteit gen ós, genne gooje morge
De waan van d’n daag bepaold dien gedraag
Refrein:
Neet de iërste neet de letste traon
Die ik um dich zal laote gaon
Wil mier nao deese iërste kièr
Neet einzaam in mien bestaon
Wies oeïts wuurt noeïts, dwaalt daor mien kop
Daag klatergóld en parelwièn
halde van in ‘nne noëte dop
Zoel’t anders mótte zien
Vers:
Kiek met bedraag nao dien gedraag
Waorum laup ik dich achternao.
Val telkes in ’t zelfde kuulke
’t Kos mier dan ’t mich brink.
D’r is niks det ós bind, behalve dien muulke
Dóch leefde mak blind,toch zeen ik now ’t ind.